Նորաձև պիջակներ և ժակետներ
Եթե ուշադրություն դարձնենք ճանաչված դիզայներների նոր հավաքածուներին, ապա կտեսնենք, որ այնտեղ մշտապես առկա են նրբագեղ պիջակներ ու ժակետներ` անկախ եղանակից : Հագուստի այս տեսակն օգտագործվում է գրեթե ամբողջ տարվա ընթացքում : Սակայն, պետք է նշել, որ հենց ցուրտ եղանակին է, որ պիջակներն ու ժակետները ոչ միայն ջերմություն են ապահովում, այլ նաև առանձնահատուկ ընդգծում են ձեր ընտրած ոճը : Yadox-ի օգնությամբ դուք կհամալրեք ձեր
զգեստապահարանը նորաձև ու հարմարավետ պիջակներով, որոնք կջերմացնեն ձեզ աշնանային ցուրտ
օրերին : Այս տարվա աշուն-ձմեռ հավաքածուներում գերիշխում են «ռազմական» ոճի պիջակները,
որոնք մասամբ ծածկում են կանացիությունը : Եվ իրոք, միայն տղամարդու հագուստի ձևվածք
ունեցող կանացի պիջակի օգնությամբ կարելի է այդքան լավ ընդգծել «ռազմական» ոճը : Չէ՞
որ իրականում պիջակը համարվում է տղամարդկանց զգեստապահարանի հագուստ :
Լուսանկարի աղբյուրը` Yadox
Կարծես տղամարդուց վերցված մուգ կապույտ, կանաչամոխրագույն,
սև և շագանակագույն, ուղիղ ձևվածքով պիջակները ներդաշնակ են ոչ միայն տաբատների հետ,
այլ նաև շատ գեղեցիկ են նայվում կիսաշրջազգեստների հետ : Վերջինս, իհարկե, պետք է լինի
ուղիղ և ունենա ծնկից վերև երկարություն : Բացի այդ, պիջակի
տակից կարելի է կրել բարձր օձիքով, բարակ սվիտեր,
որը մանավանդ այս տարի մեծ տարածում է գտել նորաձևության սիրահարների շրջանում : Տղամարդու
ոճով կանացի պիջակներն ընդունակ են թաքցնել գեր կանանց ավելորդ քաշը, ինչպես նաև ընդգծել
նրբագեղ աղջիկների կազմվածքի գեղեցկությունը : Սպասվող ցուրտ եղանակին բնորոշ են նաև
կարծես թե իրար հակասող երկու միտումներ` կարճ ժակետներն ու երկար պիջակները : Առաջին
տարբերակը հարմար է հատկապես էլեգանտ կազմվածքով կանանց, որոնք կարճ ժակետներ
կրելով շրջապատի ուշադրությունը կբևեռեն իրենց բարակ իրանի ու գեղեցիկ ազդրերի վրա
:
Լուսանկարի աղբյուրը` Yadox
Խոշոր կազմվածքով կանանց խորհուրդ չի տրվում կրել նման
ժակետներ, եթե իհարկե նրանք չեն ուզում փոքրիկ, կարճ ժակետների ֆոնի վրա ավելի գեր
տեսք ունենալ : Ժամանակակից մոդելավորողները հատուկ նրանց համար ստեղծել են երկար պիջակներ,
որոնք ընդունակ են թաքցնել ավելորդ քաշը և դարձնել մարմինն ավելի նրբագեղ : Սակայն,
այս տարվա նորաձևության միտումը կայանում է նրանում, որ դիզայներները ձգտել են համատեղել
անհամատեղելին : Օրինակ, երկար պիջակները, որոնք իջնում են մինչև ծնկներ, համադրել
են ոտքերը մերկացնող շիֆոնե կիսաշրջազգեստների կամ տաբատների հետ : Իհարկե, առօրյա
կյանքում նման համադրություններ ոչ ոք կրել չի պատրաստվում, սակայն նեղ ջինսերի կամ
ամուր կտորից կարված լայն տաբատների հետ նման պիջակներն
ուղղակի հիանալի կլինեն :
Լուսանկարի աղբյուրը` Yadox
Դիզայներներն այս տարի շեշտը դնում են թևքերի վրա, ավելի
ճիշտ նրանց անսովոր չափերի ու ձևերի վրա : Կան տարբերակներ, որոնցում ընդհանրապես բացակայում
են թևքերը : Թվում է, թե նման մոդելները պետք է ընդհանրապես անընդունելի լինեին ցուրտ
եղանակին, բայց արի ու տես, որ դրանք արդեն չափազանց մեծ տարածում են գտել : Այդպիսի
պիջակների հետ կարելի է կրել երկար, մինչև արմունկը հասնող ձեռնոցներ : Անթև պիջակները
հետաքրքիր համադրություն են կազմում լայն տաբատների հետ և հիանալի ընդգծում են հագուստի
ոճը :
Լուսանկարի աղբյուրը` Yadox
Նորաձևության մասին ավելին իմանալու համար հետևեք մեզ Facebook-ում, Twitter-ում, Instagram-ում և Pinterest-ում :
#yadox
#yadoxshop #yadoxarmenia
No comments:
Post a Comment