Ոճային շարֆեր
Շարֆերը` դրանք անփոխարինելի աքսեսուարներ են, որոնք ընդունակ են կերպարը դարձնել ներդաշնակ ու օրիգինալ: Այցելելով Yadox օնլայն խանութ և ընտրելով ձեր ճաշակին ու ոճին համապատասխան շարֆ` դուք ինքներդ կհամոզվեք
դրանում: Իզուր չէ, որ 2015-2016 աշուն - ձմեռ հավաքածուներում դրանք շատ բազմազան են: Շարֆերն
արդեն վաղուց չեն ասոցացվում տարվա ցուրտ եղանակների հետ: Այսօր դրանք ոչ միայն ցրտից
պաշտպանելու համար ստեղծված աքսեսուարներ են, այլ նաև կանացի զգեստապահարանի ոճային
իրեր: Շարֆեր կարելի է կրել ինչպես թեթև, այնպես էլ տաք վերարկուների հետ, բաճկոնների
ու անձրևանոցների, պիջակների և անգամ զգեստների հետ: Ո՞ր շարֆերն են ակտուալ մոտ ապագայում:
Իհարկե, երկար շարֆերը մշտապես ունեցել են իրենց տեղը նորաձևության աշխարհում: Սակայն
այժմ փոխվել են դրանք կրելու ձևերը:
Լուսանկարի աղբյուրը` Yadox
Եթե նախկինում հայտնի
դիզայներները խորհուրդ էին տալիս երկար շարֆերը փաթաթել պարանոցին, հաստ ու ծավալուն
վզնոցի տպավորություն ստեղծելով, ապա այժմ ոճաբանները հորդորում են հետ կանգնել այդ
կանոնը կիրառելուց: Այժմ շատ նորաձև են այն շարֆերը, որոնք կախված են ուսերից` թույլ
ու ազատ և տալիս են կերպարին էլեգանտ և միևնույն ժամանակ համարձակ տեսք: Եվ ինչքան
երկար է շարֆը, այնքան շքեղ է այն երևում: Այս տարվա աշուն – ձմեռ հավաքածուների ցուցադրությունների
ժամանակ մենք ականատես եղանք ծոպավոր
շարֆերի հաղթական վերադարձին: Անարդար կերպով մոռացված լինելով նախկինում`այսօր
դրանք նորից գրավեցին ցուցադրության հարթակները: Մեր օրերում ծոպավոր գործվածքները
իրենց կիրառությունը գտել են ամենուր և իհարկե բացառություն չեն նաև շարֆերը, սակայն
մեկ տարբերությամբ. ժամանակակից տարբերակներում ծոպերն առկա են ոչ միայն եզրերին, այլ
նաև ողջ երկարությամբ:
Լուսանկարի աղբյուրը` Yadox
Մորթյա շարֆերը նույնպես
շատ արդիական են ընթացիկ սեզոնին: Մորթին հաջողությամբ կիրառվում է գլխարկների, վերնազգեստների,
սվիտերների, կոշիկների և նույնիսկ աքսեսուարների պատրաստման մեջ: Լիովին հասկանալի
է, որ մորթյա շարֆերը գրավել են նորաձևության հարթակները և շատ մեծ տարածում ունեն
այս տարի: Մորթին կարելի է օգտագործել նաև որպես օձիք, հագնել ուսերին կամ որպես պարանոցի
զարդ: Մորթյա շարֆերը թանկարժեք ու արիստոկրատ տեսք ունեն, հատկապես շքեղ են նայվում
մետաղազարդով տարբերակները, սակայն կարելի է նաև շարֆը կրել առանց դրա, ուղղակի գեղեցիկ
կապելով այն: Ի դեպ, եթե դուք սկզբունքորեն դեմ եք բնական մորթի կրելուն, ապա կարող
եք ընտրել արհեստական մորթի, որոնք ոչ պակաս տպավորիչ տեսք ունեն: Ցուրտ եղանակներին
կանայք, իհարկե, մի կողմ են դնում մետաքսե
շարֆերը մինչև կվերադառնան տաք օրերը` նախապատվությունը տալով տաք շարֆերին:
Լուսանկարի աղբյուրը` Yadox
Ոճային շարֆեր ընտրելիս
գեղեցիկ սեռի ներկայացուցիչները ուշադրություն են դարձնում ոչ միայն երկարությանը,
այլ նրանց համար շատ կարևոր է նաև լայնությունը: Չէ՞ որ լայն շարֆերը կարելի է փաթաթել
պարանոցին և այդպիսով ոչ միայն կերպարին հաղորդել անկրկնելի տեսք, այլ նաև տաքանալ
ցուրտ եղանակին: Այս տարվա աշուն – ձմեռ հավաքածուներում առկա շարֆերից
ամենից մեծ տարածում գտած շարֆերից են վանդակավոր ու գծավոր նախշերով տարբերակները:
Եթե նախկինում վանդակները զարդարում էին մեծամասամբ տղամարդկանց շարֆերը, ապա այժմ
դրանք իրենց տեղն են գտել կանացի զգեստապահարանում առկա հանդերձներում, այդ թվում նաև
շարֆերում: Իսկ գծավոր նախշերի մասին պետք է ասել, որ այսօր ակտուալ են ինչպես հորիզոնական,
այնպես էլ ուղղահայաց գծերը:
Լուսանկարի աղբյուրը` Yadox
Նորաձևության մասին ավելին իմանալու համար հետևեք մեզ Facebook-ում, Twitter-ում, Instagram-ում և Pinterest-ում :
#yadox #yadoxshop #yadoxarmenia
No comments:
Post a Comment