Լուսանկարի աղբյուրը՝ Vogue

«Լուի Վիտոն Ռեզորթ 2016» շլացուցիչ հավաքածուն

Yadox-ը  ներկայացնում է ձեզ վերջերս տեղի ունեցած «Լուի Վիտոն Ռեզորթ 2016» հավաքածուի իր ակնարկը :

Ինչպես գիտենք, վերջերս Կալիֆորնիայի Փալմ-Սփրինգսում կայացավ Լուի Վիտոնի կրուիզ հավաքածուի ցուցադրությունը : Ապշեցուցիչ բրենդի տեղծագործական տնօրեն Նիկոլա Գեսկյերը միջոցառման անցկացման համար ընտրել էր այնպիսի մի վայր, որն իր կարծիքով ներդաշնակ կլիներ իր ստեղծած գլուխգործոցների հետ : Դեֆիլեն տեղի ունեցավ լեգենդար դերասան և կատակերգու Բոբ Հոփի տիեզարանավի նմանվող շքեղ առանձնատանը : Սա ամբողջ Արևմտյան ափի ամենավառ ու ամենամոդեռն շինությունն է, որն ընդունակ է հյուրընկալելու չորս հարյուր մարդ : Միայն պատկերացրեք՝ տիեզերանավ՝ տեղակայված Կոաչելլա հովտին նայող բլրի վրա : Հենց այսպիսի տեսք ունի առանձնատունը, որը նախագծվել է 1973 թվականին ճարտարապետ Ջոն Լոտների կողմից : Նիկոլա Գեսկյերն ասել է, որ այդ վայրը ոգեշնչել է նրան , հենց այն ժամանակ, երբ նա առաջին անգամ եղել է այնտեղ : Նրան միշտ հրապուրել է տիեզերքը, գիտական ֆանտաստիկան, այդ պատճառով էլ նա ընտրել է այդ վայրը : Ամեն ինչ շատ համահունչ էր՝ ժամանակը, տեղը, մթնոլորտը և նոր կրուիզ հավաքածուն : Գեսկյերն իր զգեստներում արտահայտել է այն ինչը ոգեշնչում է իրեն գույնի ու ձևի մեջ և ներկայացրել է այդ ամենը իր երկրպագուներին ու ընկերներին : Կարճ ասած, ստեղծագործական տնօրենը ստեղծել էր այնպիսի մթնոլորտ, որ թվում էր, թե հիմա ևս մեկ տիեզերանավ կիջնի ու այնտեղից դուրս կգան այլմոլորակայիններ՝ «Լուի Վիտոն» հագած : Կարծես թե հենց այդպես էլ եղավ, միայն թե այլմոլորակայինների փոխարեն հեքիաթային առանձնատան այգում սկսեցին հանդիսավոր կերպով անցնել գեղեցիկ մոդելները :

Լուսանկարի աղբյուրը՝ Yadox

Yadox օնլայն խանութն առաջարկում է հագուստի իր ընտրանին, որը թրենդային է դարձել շատ նորաձևության տների այդ թվում նաև «Լուի Վիտոն» ատելիեի աշխատանքի շնորհիվ :

Գեսկյերը բազմիցս ասել է, որ շատ է սիրում այն ինչով զբաղվում է : Եվ դա իսկապես տեսանելի է նրա աշխատանքներում : Նա հանդիսանում է Լուի Վիտոն նորաձևության տան ստեղծագործական տնօրենը 2013 թվականից : Այստեղ գալով՝ նա թերևս չի հրաժարվել իր հիմնական սկզբունքներից ու պատկերացումներից : Դա ակնհայտ է նրա հավաքածուներում՝ անկոտրում կեցվածք, կոշտություն :

Լուսանկարի աղբյուրը՝ Vogue

 Ինչ վերաբերում է նրա ստեղծած զգեստներին, ապա այստեղ էլ տիեզերքի մատը խառն է : Երկար շրջազգեստները և կաշվե ներդիրներով վերնաշապիկները որոշ առումով հիշեցնում են «Աստղային պատերազմներ»-ի հերոսների կոստյումները :

Լուսանկարի աղբյուրը՝ Vogue

 Ընդհանուր առմամբ, Գեսկյերը իր երկրպագուներին ընտրության լայն հնարավորություն է տալիս. չափազանց կարճ շորտեր կամ բավական երկար, թափվող կիսաշրջազգեստներ, վառվռուն նախշերով վերնաշապիկներ կամ հանգիստ միապաղաղ գույներով կարճ, իրանը գրկող, փորի հատվածը բաց շապիկներ :

Լուսանկարի աղբյուրը՝ Yadox

Yadox-ի էջերում նույնպես դուք կարող եք գտնել անկրկնելի երեկոյան զգեստներ՝ նուրբ, բարակ ու թեթև կառուցվածքով, որոնց դուք չեք հանդիպի ոչ մի ուրիշ տեղ :

Նիկոլա Գեսկյերը չէր շրջանցել նաև ռազմական թեման. զինվորական համազգեստի գույնը փոխառած զգեստները և լայն ուսերով քառակուսի ժակետները լրացնում էին հավաքածուի ամբողջականությունը :

Այսպիսով, Կալիֆորնիայի Փալմ-Սփրինգսում ներկայացված «Լուի Վիտոն Ռեզորթ 2016» անչափ գրավիչ հավաքածուն դիտելուց հետո, վստահ կարելի է ասել, որ ի շնորհիվ ֆրանսիական հանրաճանաչ բրենդի ստեղծագործական տնօրեն Նիկոլա Գեսկյերի, «Լուի Վիտոն» նորաձևության տունը չի կորցնում իր արկածախնդրության ու ազատության ոգին, բացահայտումներ կատարելու անկոտրում ջիղը :

Թրենդային հագուստների մասին ավելին իմանալու համար հետևեք մեզ Facebook-ում, Twitter-ում, Instagram-ում և Pinterest-ում :

Եղեք եզակի, եղեք նորաձև, եղեք Yadox :

#yadox #yadoxshop #yadoxarmenia